میں ڈر رہا ہوں ہر اک امتحان سے پہلے

میں ڈر رہا ہوں ہر اک امتحان سے پہلے

مرے پروں کو ہوا کیا اڑان سے پہلے

مرے نصیب میں رستوں کی دھول لکھی تھی

نہ مل سکی مجھے منزل تکان سے پہلے

یہ کون شخص تھا چالاک کس قدر نکلا

کہ بات چھیڑ گیا درمیان سے پہلے

میں اس کے درد کا درماں تو جانتا تھا مگر

وہ کچھ تو بولتا اپنی زبان سے پہلے

تم اس کے گھر کی طرف چل پڑے تو ہو لیکن

کوئی پڑاؤ نہیں آسمان سے پہلے

کھڑا ہوں آج میں انجمؔ یقیں کی سرحد پر

عجیب کرب میں گم تھا گمان سے پہلے

main dar raha hun har ik imtihan se pahle

mire paron ko hua kya uran se pahle

mire nasib mein raston ki dhul likhi thi

na mil saki mujhe manzil takan se pahle

ye kaun shakhs tha chalak kis qadar nikla

ke bat chher gaya darmiyan se pahle

main us ke dard ka darman to janta tha magar

wo kuchh to bolta apni zaban se pahle

tum us ke ghar ki taraf chal pare to ho lekin

koi parao nahin asman se pahle

khara hun aj main anjum yaqin ki sarhad par

ajib karb mein gum tha guman se pahle