جو دل پر بوجھ ہے یا رب ذرا بھی کم نہیں ہوتا

جو دل پر بوجھ ہے یا رب ذرا بھی کم نہیں ہوتا

زمانہ غم تو دیتا ہے شریک غم نہیں ہوتا

خزانہ علم کا ہے لا زوال ایسا زمانے میں

جسے بانٹو تو بڑھتا ہے پہ ہرگز کم نہیں ہوتا

ہمارا سر بنا ہے دوستو اک خاص مٹی سے

کسی ظالم کی چوکھٹ پر کبھی یہ خم نہیں ہوتا

زہے قسمت خدا نے ضبط کی طاقت مجھے دی ہے

حقیقت میں مرا اشکوں سے دامن نم نہیں ہوتا

ہزاروں آفتیں ہم نے سہیں محبوب کی خاطر

مگر ایثار کا جذبہ ذرا بھی کم نہیں ہوتا

پہنچ سکتا نہیں وہ اپنی منزل پہ کسی صورت

وہ بد قسمت مسافر جس میں کچھ دم خم نہیں ہوتا

ذرا سی بات پر آمادہ ہو جائے جو لڑنے پر

پجاری وہ اہنسا کا چمن گوتم نہیں ہوتا

jo dil par bojh hai ya rab zara bhi kam nahin hota

zamana gham to deta hai sharik-e-gham nahin hota

khazana ilm ka hai la zawal aisa zamane mein

jise banto to barhta hai pe hargiz kam nahin hota

hamara sar bana hai dosto ik khas mitti se

kisi zalim ki chaukhat par kabhi ye kham nahin hota

zahe qismat khuda ne zabt ki taqat mujhe di hai

haqiqat mein mira ashkon se daman nam nahin hota

hazaron afaten ham ne sahen mahbub ki khatir

magar isar ka jazba zara bhi kam nahin hota

pahunch sakta nahin wo apni manzil pe kisi surat

wo bad qismat musafir jis mein kuchh dam kham nahin hota

zara si bat par amada ho jae jo larne par

pujari wo anasa ka chaman gotam nahin hota