کیا بتائیں کیا کمایا عشق میں

کیا بتائیں کیا کمایا عشق میں

درد ہے دل میں نہ آنکھوں میں نمی

قرب میں جس کے گزارے روز و شب

اجنبی ہے اتنے برسوں بعد بھی

تھا مرے دل میں کبھی اس کا مکاں

میں نے جس کو دور سے آواز دی

اب تو وہ موسم پرانے ہو گئے

اب تو وہ باتیں ہیں ساری خواب کی

ربط جوہرؔ ان سے اتنا رہ گیا

فون کی گھنٹی بجی بجتی رہی

kya bataen kya kamaya ishq mein

dard hai dil mein na ankhon mein nami

qurb mein jis ke guzare roz-o-shab

ajnabi hai itne barson baad bhi

tha mire dil mein kabhi us ka makan

main ne jis ko dur se awaz di

ab to wo mausam purane ho gae

ab to wo baten hain sari khwab ki

rabt jauhar un se itna rah gaya

fon ki ghanti baji bajti rahi