بے نمود درد کی نمائش کیوں

بے نمود درد کی نمائش کیوں

دل سے کرتی ہے آنکھ سازش کیوں

غم جو لکھا ہوا ہے چہرے پہ

کوئی پڑھ لے تو اس سے رنجش کیوں

وہ جو ہر زاویے سے دل میں ہے

اس کو پھر دیکھنے کی خواہش کیوں

خواب تازہ جگائے آنکھوں میں

ہم پہ موسم کی یہ نوازش کیوں

سب کو اپنے ہی کام تھے اس سے

کوئی کرتا مری سفارش کیوں

be numud dard ki numaish kyun

dil se karti hai ankh sazish kyun

gham jo likha hua hai chehre pe

koi parh le to us se ranjish kyun

wo jo har zawiye se dil mein hai

us ko phir dekhne ki khwahish kyun

khwab taza jagae ankhon mein

ham pe mausam ki ye nawazish kyun

sab ko apne hi kam the us se

koi karta miri sifarish kyun