تمہارے نام کا سکہ اچھال سکتا ہوں

تمہارے نام کا سکہ اچھال سکتا ہوں

تمہیں سلیقے سے میں دیکھ بھال سکتا ہوں

ابھی تو صرف بگاڑا ہے تیری عادت کو

میں تجھ کو خود میں ابھی اور ڈھال سکتا ہوں

جو تیری ذات سے مجھ کو ملے ہیں اے جاناں

میں ان غموں کو کلیجہ میں پال سکتا ہوں

مرے خدا کی خدائی اگر نواز دے تو

سمندروں میں بھی رستا نکال سکتا ہوں

میں اپنے عہد کا جگنو ہوں دیکھنا اک دن

بڑے بڑوں کو میں حیرت میں ڈال سکتا ہوں

اگر ملے جو غم روزگار سے فرصت

تو میں بھی ذہن کا دریا کھنگال سکتا ہوں

پڑے گی دھوپ جو تم پر تو ابر بن کر کے

تمہارے سر سے میں سورج کو ٹال سکتا ہوں

tumhare nam ka sikka uchhal sakta hun

tumhen saliqe se main dekh bhal sakta hun

abhi to sirf bigara hai teri adat ko

main tujh ko khud mein abhi aur dhal sakta hun

jo teri zat se mujh ko mile hain ai janan

main in ghamon ko kaleja mein pal sakta hun

mire khuda ki khudai agar nawaz de to

samundaron mein bhi rasta nikal sakta hun

main apne ahd ka jugnu hun dekhna ik din

bare baron ko main hairat mein dal sakta hun

agar mile jo gham-e-rozgar se fursat

to main bhi zehn ka dariya khangal sakta hun

paregi dhup jo tum par to abr ban kar ke

tumhare sar se main suraj ko tal sakta hun