سراب دل سے مسلسل فریب کھا رہا ہوں

سراب دل سے مسلسل فریب کھا رہا ہوں

میں ایک عمر سے اپنے خلاف جا رہا ہوں

یقین و شک کی عجب کیفیت سے ہوں دو چار

بچھا رہا ہوں مصلیٰ کبھی اٹھا رہا ہوں

مرا غرور ہے یہ خاک زادگی میری

میں پھر فرشتو تمہیں بات یہ بتا رہا ہوں

طلسم لفظ و معانی کے پھیر میں پھنس کر

بہ شکل نظم و غزل خون دل بہا رہا ہوں

خیام اشک میں جھلسی پڑی ہے کوئی مشک

میں اپنی پیاس کا قصہ اسے سنا رہا ہوں

بھلا کے سارے تقاضے ردیف موت کے میں

فقط حیات کا ہر قافیہ نبھا رہا ہوں

sarab-e-dil se musalsal fareb kha raha hun

main ek umr se apne khilaf ja raha hun

yaqin-o-shak ki ajab kaifiyat se hun do char

bichha raha hun musalli kabhi utha raha hun

mira ghurur hai ye khak zadagi meri

main phir farshto tumhen bat ye bata raha hun

tilism-e-lafz-o-maani ke pher mein phans kar

ba shakl-e-nazm-o-ghazal khun-e-dil baha raha hun

khayyam ashk mein jhulsi pari hai koi mushk

main apni pyas ka qissa use suna raha hun

bhula ke sare taqaze radif maut ke main

faqat hayat ka har qafiya nibha raha hun