مستقل محو غم عہد گزشتہ ہونا

مستقل محو غم عہد گزشتہ ہونا

ایسے ہونے سے تو بہتر ہے نہ دل کا ہونا

میں ہوں انساں مجھے انسان ہی رہنے دیجے

مت سکھائیں مجھے ہر گام فرشتہ ہونا

دیکھنی پڑتی ہیں ہر موڑ پہ ادھڑی لاشیں

کتنا دشوار ہے اس شہر میں بینا ہونا

اے مصور ذرا تصویر میں منظر یہ اتار

دو کناروں کو ہے دیکھا گیا یکجا ہونا

ہیں فراہم مجھے بے راہروی کے اسباب

زیب دے گا مجھے آوارۂ دنیا ہونا

بستیاں شہر خموشاں کی طرح ہیں آباد

زندہ لوگوں کو لبھانے لگا مردہ ہونا

خود ہی گر جائے گی زندان بدن کی دیوار

روح افسردہ کو بے چین بھلا کیا ہونا

کھا گیا رونقیں پیوند و مراسم کی ندیمؔ

جنس اخلاص کا بازار میں سستا ہونا

mustaqil mahw-e-gham ahd-e-guzishta hona

aise hone se to behtar hai na dil ka hona

main hun insan mujhe insan hi rahne dije

mat sikhaen mujhe har gam farishta hona

dekhni parti hain har mor pe udhri lashen

kitna dushwar hai is shahr mein bina hona

ai musawwir zara taswir mein manzar ye utar

do kinaron ko hai dekha gaya yakja hona

hain faraham mujhe be rahrawi ke asbab

zeb dega mujhe awara-e-duniya hona

bastiyan shahr-e-khamoshan ki tarah hain abad

zinda logon ko lubhane laga murda hona

khud hi gir jaegi zindan badan ki diwar

ruh afsurda ko be chain bhala kya hona

kha gaya raunaqen paiwand-o-marasim ki nadim

jins-e-ikhlas ka bazar mein sasta hona