ریاضتوں کی تپش میں رہ کر پگھل رہا ہوں

ریاضتوں کی تپش میں رہ کر پگھل رہا ہوں

یہ بات سچ ہے میں دھیرے دھیرے بدل رہا ہوں

علامت خاک زادگی ہو مزید روشن

بس اس لئے خاک اپنے چہرے پہ مل رہا ہوں

اتار کر قرض زندگانی کا رفتہ رفتہ

نفس کے وحشت کدے سے باہر نکل رہا ہوں

انا پرستوں کے بیچ اپنی انا کے سر کو

ہوں منکسر اس لئے مسلسل کچل رہا ہوں

دعائیں ماں کی قدم قدم سائباں بنی ہیں

ندیمؔ گر گر کے اس لئے میں سنبھل رہا ہوں

riyazaton ki tapish mein rah kar pighal raha hun

ye bat sach hai main dhire dhire badal raha hun

alamat-e-khak zadagi ho mazid raushan

bas is liye khak apne chehre pe mil raha hun

utar kar qarz zindagani ka rafta rafta

nafas ke wahshat kade se bahar nikal raha hun

ana paraston ke bich apni ana ke sar ko

hun munkasir is liye musalsal kuchal raha hun

duaen man ki qadam qadam saiban bani hain

nadim gar gir ke is liye main sambhal raha hun