اک زمیں دوز آسماں ہوں میں

اک زمیں دوز آسماں ہوں میں

ہاں مری جان بے نشاں ہوں میں

مجھ کو توحید ہو چکی ازبر

لا مکاں کا نیا مکاں ہوں میں

دست قدرت کی شاہکاری کا

خود میں آباد اک جہاں ہوں میں

کب سے آمادہ سجدہ ریزی پر

آب و گل ہی کے درمیاں ہوں میں

موت سے کہیے آئے فرصت میں

ابھی مصروف امتحاں ہوں میں

کس طرح سے بنے زیادہ بات

ذرۂ کن ہوں کم زباں ہوں میں

لو سے بہتی ہوئی ضیا ہو تم

لو سے اٹھتا ہوا دھواں ہوں میں

جیسے تو میرا راز پنہاں ہے

ایسے ہی تیرا رازداں ہوں میں

جس سے لرزاں ہے پتھروں کا وجود

آئینہ زاد وہ فغاں ہوں میں

موت تو کب کی مر چکی لیکن

بزم امکاں میں جاوداں ہوں میں

تم تسلسل نئی بہاروں کا

اور اجڑی ہوئی خزاں ہوں میں

تیری یادوں کا اس میں دوش نہیں

بے سبب آج نیم جاں ہوں میں

ik zamin doz asman hun main

han miri jan-e-be nishan hun main

mujh ko tauhid ho chuki azbar

la makan ka naya makan hun main

dast-e-qudrat ki shahkari ka

khud mein abad ik jahan hun main

kab se amada sajda rezi par

ab-o-gul hi ke darmiyan hun main

maut se kahiye ae fursat mein

abhi masruf-e-imtihan hun main

kis tarah se bane ziyada bat

zarra-e-kin hun kam zaban hun main

lau se bahti hui ziya ho tum

lau se uthta hua dhuan hun main

jaise to mera raz-e-pinhan hai

aise hi tera razdan hun main

jis se larzan hai pattharon ka wajud

aina zad wo fughan hun main

maut to kab ki mar chuki lekin

bazm-e-imkan mein jawedan hun main

tum tasalsul nai baharon ka

aur ujri hui khizan hun main

teri yadon ka is mein dosh nahin

be sabab aj nim jan hun main