سرور سے اٹے ہوئے اے موسم وصال رک

سرور سے اٹے ہوئے اے موسم وصال رک

ملے دریدہ قلب کو سکون اندمال رک

اے حیرت گلاب رخ تو اتنا لا جواب ہے

کہ کہہ اٹھے سوال سے ہمارے لب سوال رک

تجھے گلہ ہے اب وہ لذتیں رہیں نہ قربتیں

میں ڈالتا ہوں رقص عشق میں ابھی دھمال رک

نہ راس آئے گا کوئی نہ دل کو بھائے گا کوئی

ہمارے بن ڈسے گا تجھ کو عمر بھر ملال رک

پڑے گا رن اذیتوں کا سمت شہر ہجر روز

ادھر نہ جا ٹھہر ذرا تو دیکھ میرا حال رک

میں تیرے حسب ادعا نہیں ہوں وہ جو تھا کبھی

وہ تھا بھی لوٹ آئے گا اے میرے ہم خیال رک

یہ کر رہی ہیں التجا نہ جا مرے غزال رک

حواس کھو چکے ہیں سب ہوا ندیمؔ جاں بلب

تو اب نہ میرے سامنے آ حاصل جمال رک

surur se ate hue ai mausam-e-wisal ruk

mile darida qalb ko sukun-e-indimal ruk

ai hairat-e-gulab rukh to itna la jawab hai

ke kah uthe sawal se hamare lab sawal ruk

tujhe gila hai ab wo lazzaten rahen na qurbaten

main dalta hun raqs-e-ishq mein abhi dhamal ruk

na ras aega koi na dil ko bhaega koi

hamare bin dasega tujh ko umr bhar malal ruk

parega ran aziyyaton ka samt shahr-e-hijr roz

idhar na ja thahar zara to dekh mera hal ruk

main tere hasb-e-iddia nahin hun wo jo tha kabhi

wo tha bhi laut aega ai mere ham khayal ruk

ye kar rahi hain iltija na ja mire ghazal-e-ruk

hawas kho chuke hain sab hua nadim jan balb

to ab na mere samne a hasil jamal-e-ruk