کر رہے ہیں وار میرے یار مجھ پر

کر رہے ہیں وار میرے یار مجھ پر

رحم کر کچھ تو کہانی کار مجھ پر

اینٹ میں اس پر گرانا چاہتا تھا

اور ہوا یہ گر گئی دیوار مجھ پر

ختم ہو جاتی وہیں پر یہ کہانی

تم اٹھا لیتے اگر ہتھیار مجھ پر

تو تو میرا دوست ہے مت دیکھ موقعہ

سامنے سے ہی چلا تلوار مجھ پر

عشق میں اچھی نہیں ہوتی خموشی

جان کچھ تو بول طعنے مار مجھ پر

کیا ضرورت ہے بتا دے دوست اب تو

آج کل کیوں آ رہا ہے پیار مجھ پر

نام ہی میرا وجےؔ ہے دھیان رکھنا

سوٹ کرتی ہی نہیں ہے ہار مجھ پر

kar rahe hain war mere yar mujh par

rahm kar kuchh to kahani kar mujh par

int mein us par girana chahta tha

aur hua ye gir gai diwar mujh par

khatm ho jati wahin par ye kahani

tum utha lete agar hathiyar mujh par

tu to mera dost hai mat dekh mauqaa

samne se hi chala talwar mujh par

ishq mein achchhi nahin hoti khamoshi

jan kuchh to bol taane mar mujh par

kya zarurat hai bata de dost ab to

aj kal kyun a raha hai pyar mujh par

nam hi mera waje hai dhyan rakhna

sut karti hi nahin hai har mujh par