بتا دوں گا مری سب نیکیاں بھی

بتا دوں گا مری سب نیکیاں بھی

مگر ہیں دوست مجھ میں خامیاں بھی

قیامت دور بالکل بھی نہیں ہے

اگر ماری گئیں یوں بیٹیاں بھی

کبھی تم غور سے لفظوں کو دیکھو

چھپا ہے درد ان کے درمیاں بھی

تجھے تو یاد اب میں بھی نہیں ہوں

مجھے ہیں یاد تیری چوڑیاں بھی

کیا تھا شمع پر بارش نے حملہ

بجھانے میں لگی تھیں آندھیاں بھی

مجھے اب بھولنے کی ٹھان لی کیا

نہیں آتی ہیں اب تو ہچکیاں بھی

بتاؤں لڑکیو اک بات تم کو

لڑو تو توڑ دو تم بیڑیاں بھی

نہ جاؤ کہہ رہی تھیں تیری آنکھیں

اشارے کر رہی تھیں بالیاں بھی

وجےؔ کا پیار ہی تھا وہ تو کیول

یہاں تو ٹوٹتی ہیں شادیاں بھی

bata dunga miri sab nekiyan bhi

magar hain dost mujh mein khamiyan bhi

qayamat dur bilkul bhi nahin hai

agar mari gain yun betiyan bhi

kabhi tum ghaur se lafzon ko dekho

chhupa hai dard un ke darmiyan bhi

tujhe to yad ab main bhi nahin hun

mujhe hain yad teri chauriyan bhi

kya tha shama par barish ne hamla

bujhane mein lagi thin andhiyan bhi

mujhe ab bhulne ki than li kya

nahin ati hain ab to hichkiyan bhi

bataun larkiyo ik bat tum ko

laro to tor do tum beriyan bhi

na jao kah rahi thin teri ankhen

ishare kar rahi thin baliyan bhi

waje ka pyar hi tha wo to kiyul

yahan to tutti hain shadiyan bhi