جب بھی اس کا خیال کرتا ہوں

جب بھی اس کا خیال کرتا ہوں

اپنی غزلوں میں رنگ بھرتا ہوں

شہر سے اس کے جب گزرتا ہوں

خود بخود ٹوٹتا بکھرتا ہوں

دیکھتا ہوں بلندیوں کی طرف

سیڑھیاں جب کبھی اترتا ہوں

آپ ڈرتے ہیں اپنے دشمن سے

اور میں دوستوں سے ڈرتا ہوں

ظالموں سے تجھے کرم کی امید

میں تری سادگی پہ مرتا ہوں

میں مسافر ہوں دھوپ کا ارشدؔ

میں کہاں چھاؤں میں ٹھہرتا ہوں

jab bhi us ka khayal karta hun

apni ghazlon mein rang bharta hun

shahr se us ke jab guzarta hun

khud bakhud tutta bikharta hun

dekhta hun bulandiyon ki taraf

sirhiyan jab kabhi utarta hun

ap darte hain apne dushman se

aur main doston se darta hun

zalimon se tujhe karam ki umid

main tiri sadgi pe marta hun

main musafir hun dhup ka arshad

main kahan chhaon mein thaharta hun