اک وہ کہ اپنی ضد پہ برابر اڑے رہے

اک وہ کہ اپنی ضد پہ برابر اڑے رہے

اک ہم کہ انتظار میں پہروں کھڑے رہے

دریائے عشق کر لیا ہوتا عبور میں

لیکن مرے نصیب میں کچے گھڑے رہے

جتنے تھے کم نگاہ وہ جلوؤں میں کھو گئے

اہل نظر کی آنکھ پہ پردے پڑے رہے

اک شور جی حضوری کا رہتا تھا آس پاس

جب تک مرے لباس میں ہیرے جڑے رہے

حیرت کہ جن کو ڈھونڈے ہے دریا ادھر ادھر

در پر مرے فرازؔ وہ پیاسے کھڑے رہے

ik wo ke apni zid pe barabar ure rahe

ik ham ke intizar mein pahron khare rahe

dariya-e-ishq kar liya hota ubur mein

lekin mire nasib mein kachche ghare rahe

jitne the kam nigah wo jalwon mein kho gae

ahl-e-nazar ki ankh pe parde pare rahe

ik shor ji huzuri ka rahta tha as pas

jab tak mire libas mein hire jure rahe

hairat ke jin ko dhunde hai dariya idhar idhar

dar par mire faraz wo pyase khare rahe