ہم وصل کی دن رات دعا مانگ رہے ہیں

ہم وصل کی دن رات دعا مانگ رہے ہیں

بیمار محبت ہیں دوا مانگ رہے ہیں

مشکل سے ملا کرتے ہیں با ظرف مخالف

دشمن مرے جینے کی دعا مانگ رہے ہیں

اس درجہ فروزاں ہیں مرے داغ جگر بھی

خورشید و قمر مجھ سے ضیا مانگ رہے ہیں

پر نور ہے جن سے مری آنکھوں کا جزیرہ

اوروں سے مرے گھر کا پتہ مانگ رہے ہیں

تم لوگ تمنائی ہو خورشید و قمر کے

ہم لوگ تو چھوٹا سا دیا مانگ رہے ہیں

اتنا ہے فرازؔ دل مضطر کا فسانہ

میرے لئے رو کر وہ دعا مانگ رہے ہیں

ham wasl ki din rat dua mang rahe hain

bimar-e-mohabbat hain dawa mang rahe hain

mushkil se mila karte hain ba zarf mukhalif

dushman mire jine ki dua mang rahe hain

is darja farozan hain mire dagh-e-jigar bhi

khurshid-o-qamar mujh se ziya mang rahe hain

pur nur hai jin se miri ankhon ka jazira

auron se mire ghar ka pata mang rahe hain

tum log tamannai ho khurshid-o-qamar ke

ham log to chhota sa diya mang rahe hain

itna hai faraz-e-dil muztar ka fasana

mere liye ro kar wo dua mang rahe hain