ہماری طرز شکایت کسی کو کیا معلوم

ہماری طرز شکایت کسی کو کیا معلوم

تمہارا رنگ طبیعت کسی کو کیا معلوم

ہر ایک خون کے قطرہ میں ہے تری تصویر

یہ انتہائے محبت کسی کو کیا معلوم

ہمارے اشک ندامت پروئے جائیں گے

بنے گا دامن رحمت کسی کو کیا معلوم

جو دل بھی دیتے ہیں ہم نام تک نہیں لیتے

ہماری شان مروت کسی کو کیا معلوم

تجلیوں نے کیا انتخاب دل میرا

مجھے ملی ہے جو دولت کسی کو کیا معلوم

خدا کی یاد میں ہر وقت محو رہتا ہے

دل شمیمؔ کی حالت کسی کو کیا معلوم

hamari tarz-e-shikayat kisi ko kya maalum

tumhara rang-e-tabiat kisi ko kya maalum

har ek khun ke qatra mein hai tiri taswir

ye intiha-e-mohabbat kisi ko kya maalum

hamare ashk-e-nadamat piroe jaenge

banega daman-e-rahmat kisi ko kya maalum

jo dil bhi dete hain ham nam tak nahin lete

hamari shan-e-murawwat kisi ko kya maalum

tajalliyon ne kiya intikhab-e-dil mera

mujhe mili hai jo daulat kisi ko kya maalum

khuda ki yad mein har waqt mahw rahta hai

dil-e-shamim ki halat kisi ko kya maalum