پرتو رخ ہے آئنہ کیا ہے

پرتو رخ ہے آئنہ کیا ہے

آپ اپنے کو دیکھتا کیا ہے

بس یہی اک نگاہ لطف و کرم

آپ سے اور التجا کیا ہے

رہنے دو منہ مرا نہ کھلواؤ

ایسی باتوں سے فائدہ کیا ہے

مری ہستی ہے مورد آلام

موت آ جائے تو برا کیا ہے

کھچ کے چلتے ہیں خود ترے ناوک

دل بیتاب کی خطا کیا ہے

ابتدا جس کی موت ہے یا رب

ایسی الفت کی انتہا کیا ہے

partau rukh hai aina kya hai

ap apne ko dekhta kya hai

bas yahi ik nigah-e-lutf-o-karam

ap se aur iltija kya hai

rahne do munh mira na khulwao

aisi baton se faida kya hai

miri hasti hai morid-e-alam

maut a jae to bura kya hai

khich ke chalte hain khud tire nawak

dil-e-betab ki khata kya hai

ibtida jis ki maut hai ya rab

aisi ulfat ki intiha kya hai