کہیں بھی زندگی اپنی گزار سکتا تھا

کہیں بھی زندگی اپنی گزار سکتا تھا

وہ چاہتا تو میں دانستہ ہار سکتا تھا

زمین پاؤں سے میرے لپٹ گئی ورنہ

میں آسمان سے تارے اتار سکتا تھا

جلا رہی ہیں جسے تیز دھوپ کی نظریں

وہ ابر باغ کی قسمت سنوار سکتا تھا

عجیب معجزہ کاری تھی اس کی باتوں میں

کہ وہ یقیں کے جزیرے ابھار سکتا تھا

مرے مکان میں دیوار ہے نہ دروازہ

مجھے تو کوئی بھی گھر سے پکار سکتا تھا

پر اطمینان تھیں اس کی رفاقتیں بلراجؔ

وہ آئنہ میں مجھے بھی اتار سکتا تھا

kahin bhi zindagi apni guzar sakta tha

wo chahta to main danista har sakta tha

zamin paon se mere lipat gai warna

main asman se tare utar sakta tha

jala rahi hain jise tez dhup ki nazren

wo abr bagh ki qismat sanwar sakta tha

ajib mojiza kari thi us ki baton mein

ke wo yaqin ke jazire ubhar sakta tha

mire makan mein diwar hai na darwaza

mujhe to koi bhi ghar se pukar sakta tha

par itminan thin us ki rifaqaten balraj

wo aina mein mujhe bhi utar sakta tha