اپاہج باپ کو بیٹا اکیلا چھوڑ جاتا ہے

اپاہج باپ کو بیٹا اکیلا چھوڑ جاتا ہے

مصیبت میں تو اکثر ساتھ سایہ چھوڑ جاتا ہے

گھنیرا ہو شجر کتنا نہیں شاداب گر شاخیں

تو ان شاخوں پہ پھر آنا پرندہ چھوڑ جاتا ہے

اٹھا پاتا نہیں خالی شکم جب بوجھ بستے کا

مٹانے بھوک بچپن کی وہ بستہ چھوڑ جاتا ہے

قلم ہونا تھا جس کے ہاتھ میں تھامے وہ خنجر ہے

کہیں علم و ادب کا اپنا رستا چھوڑ جاتا ہے

حفاظت ملک کی کرتا ہے انتم سانس تک اپنی

وہی پیچھے بلکتا ایک رشتہ چھوڑ جاتا ہے

apahaj bap ko beta akela chhor jata hai

musibat mein to aksar sath saya chhor jata hai

ghanira ho shajar kitna nahin shadab gar shakhen

tu in shakhon pe phir ana parinda chhor jata hai

utha pata nahin khali shikam jab bojh baste ka

mitane bhuk bachpan ki wo basta chhor jata hai

qalam hona tha jis ke hath mein thame wo khanjar hai

kahin ilm-o-adab ka apna rasta chhor jata hai

hifazat mulk ki karta hai antim sans tak apni

wahi pichhe bilakta ek rishta chhor jata hai