بحر بے کنار تو

بحر بے کنار تو

میں ذرا سی آب جو

عکس ہے خجل خجل

آئنے کے رو بہ رو

دوستوں نے دیکھ لی

کر کے میری جستجو

اب کئی دنوں سے ہوں

میں ہی اپنے دو بدو

پھول چن رہا تھا میں

تم تھے محو گفتگو

تیرے در کو چھوڑ کے

پھر رہے ہیں کو بہ کو

تذکرہ ہو چاند کا

یا تمہاری گفتگو

آئنے سے بات کر

آ کبھی تو روبرو

دیکھ خاک زادوں کی

لا مکاں کی آرزو

چلے چلو یہی تو ہے

آبلوں کی آبرو

تیرے در پہ پھول بھی

مانگتے ہیں رنگ و بو

bahr-e-be kanar to

main zara si ab ju

aks hai khajil khajil

aine ke ru ba ro

doston ne dekh li

kar ke meri justuju

ab kai dinon se hun

main hi apne do bado

phul chun raha tha main

tum the mahw-e-guftugu

tere dar ko chhor ke

phir rahe hain ku ba ku

tazkira ho chand ka

ya tumhari guftugu

aine se bat kar

a kabhi to rubaru

dekh khak zadon ki

la makan ki arzu

chale chalo yahi to hai

ablon ki abru

tere dar pe phul bhi

mangte hain rang-o-bu