ہوائے شام ذرا سا قیام ہوگا نا

ہوائے شام ذرا سا قیام ہوگا نا

چراغ جاں کو جلاؤں کلام ہوگا نا

بس ایک بات ہی پوچھی بچھڑنے والے نے

کبھی کہیں پہ ملے تو سلام ہوگا نا

رخ جمال پہ شکنیں ہی جب سجی ہوں گی

تو پھر ہمارا رویہ بھی خام ہوگا نا

تری بہشت میں حور و قصور ہوں گے مگر

قرار جاں کا بھی کچھ انتظام ہوگا نا

کبھی کبھار ہی لیکن پکارتے ہیں تجھے

ہمارا چاہنے والوں میں نام ہوگا نا

اگر میں آدھا ادھورا ہی لوٹ آؤں تو

نگاہ ناز وہی اہتمام ہوگا نا

بس ایک بار محبت سے دیکھنا ہے ادھر

بتاؤ تم سے یہ چھوٹا سا کام ہوگا نا

چراغ جلتے رہیں یا کہ راکھ ہو جائیں

تمہارے آتشیں رخ کو دوام ہوگا نا

hawa-e-sham zara sa qayam hoga na

charagh-e-jan ko jalaun kalam hoga na

bas ek bat hi puchhi bichharne wale ne

kabhi kahin pe mile to salam hoga na

rukh-e-jamal pe shiknen hi jab saji hongi

to phir hamara rawayya bhi kham hoga na

tiri bahisht mein hur-o-qusur honge magar

qarar-e-jan ka bhi kuchh intizam hoga na

kabhi kabhar hi lekin pukarte hain tujhe

hamara chahne walon mein nam hoga na

agar main adha adhura hi laut aun to

nigah-e-naz wahi ehtimam hoga na

bas ek bar mohabbat se dekhna hai idhar

batao tum se ye chhota sa kam hoga na

charagh jalte rahen ya ke rakh ho jaen

tumhare atishin rukh ko dawam hoga na