نہ ہو جو ان کی طبیعت وفا شعار نہیں

نہ ہو جو ان کی طبیعت وفا شعار نہیں

ہمیں تو تلخیٔ دوراں بھی ناگوار نہیں

یہ ظرف ظرف کی باتیں ہیں اس کا کیا شکوہ

ہے شکر آپ کی نظروں میں شرمسار نہیں

ہمیں نے خون سے سینچا ہے غنچہ و گل کو

بہار کہتے ہیں جس کو وہ یہ بہار نہیں

نظر نظر ہے فسانہ نفس نفس شکوہ

ہجوم یاس میں شرمندۂ بہار نہیں

خزاں رسیدہ بہاروں کا ذکر کیا ہو کلیمؔ

ہمیں تو کچھ بھی محبت میں سازگار نہیں

na ho jo un ki tabiat wafa shiar nahin

hamen to talkhi-e-dauran bhi nagawar nahin

ye zarf zarf ki baten hain us ka kya shikwa

hai shukr ap ki nazron mein sharmsar nahin

hamen ne khun se sincha hai ghuncha-o-gul ko

bahar kahte hain jis ko wo ye bahar nahin

nazar nazar hai fasana nafas nafas shikwa

hujum-e-yas mein sharminda-e-bahar nahin

khizan rasida baharon ka zikr kya ho kalim

hamen to kuchh bhi mohabbat mein sazgar nahin