Arooz is now on the App Store, for iPhone and iPad. Download →

All poetry

تو مری جستجو مسلسل ہے

Uroosa Jilani

تو مری جستجو مسلسل ہے

شامل گفتگو مسلسل ہے

مجھ پہ طاری خمار کی گھڑیاں

تو مرے روبرو مسلسل ہے

ذرہ ذرہ گواہی دیتا ہے

جا بجا تو ہی تو مسلسل ہے

عشق مجھ کو اڑائے پھرتا ہے

چاکری کو بہ کو مسلسل ہے

اک معطر فضا رچی مجھ میں

بس گیا مجھ میں تو مسلسل ہے

وجد طاری عروسہؔ سانسوں پر

شش جہت ہو ہی ہو مسلسل ہے