رنج و الم ستائے تو کہتی ہوں میں غزل

رنج و الم ستائے تو کہتی ہوں میں غزل

فرقت جو جاں جلائے تو کہتی ہوں میں غزل

چپ چاپ سونی رات میں یادوں کا رقص ہو

دل شور جب مچائے تو کہتی ہوں میں غزل

دھڑکن کا زور ٹوٹے کہ جذبے ہوں قید میں

جب جان پھڑپھڑائے تو کہتی ہوں میں غزل

کوئی نہیں ہے آسرا دنیا میں اب مرا

پر رب جو یاد آئے تو کہتی ہوں میں غزل

اس کے وجود سے مری روشن ہے کائنات

بیٹی جو مسکرائے تو کہتی ہوں میں غزل

یوں تو عروسہؔ ضبط سے واقف ہوں میں مگر

جب اشک جھلملائے تو کہتی ہوں میں غزل

ranj-o-alam satae to kahti hun main ghazal

furqat jo jan jalae to kahti hun main ghazal

chup chap suni rat mein yadon ka raqs ho

dil shor jab machae to kahti hun main ghazal

dharkan ka zor tute ke jazbe hun qaid mein

jab jan pharpharae to kahti hun main ghazal

koi nahin hai asra duniya mein ab mira

par rab jo yad ae to kahti hun main ghazal

us ke wajud se miri raushan hai kainat

beti jo muskurae to kahti hun main ghazal

yun to arosah zabt se waqif hun main magar

jab ashk jhilmilae to kahti hun main ghazal