خود شیشے کے گھر میں بیٹھے پتھر پھینکیں اوروں پر

خود شیشے کے گھر میں بیٹھے پتھر پھینکیں اوروں پر

زخمی لوگ پکاریں بھی تو تہمت آئے لوگوں پر

اپنی اپنی سوچ میں گم صم بھاگ رہے ہیں سارے لوگ

خوف و ہراس کے اب پہرے ہیں ہنستے بستے شہروں پر

چاروں سمت مسافر چیخیں پتھر کی مانند میں چپ

بحر کنارے دیکھ رہا ہوں ٹوٹی کشتی لہروں پر

ہم لوگوں نے جو سوچا ہے لکھا ہے بے خوفی سے

حاکم لوگوں نے تو خوب لگائے پہرے سوچوں پر