میں اجنبی رہا سب سے مگر سبھی میں رہا

میں اجنبی رہا سب سے مگر سبھی میں رہا

یہ حوصلہ بھی یہاں پر کسی کسی میں رہا

قبائے عظمت انساں ملی فقیروں کو

فقیہ شہر تو کیا کیا نہ سروری میں رہا

کھنچا ہے زخم عداوت سے دوستی کا لہو

جسے عزیز رکھا جاں سے دشمنی میں رہا

چراغ رکھ دئے سورج کے سامنے لا کر

مگر وہ فرق نہ جانا جو روشنی میں رہا

زبان کھلتی تو ہوتا قدم قدم مقتل

سکوت خوف کی صورت گلی گلی میں رہا

main ajnabi raha sab se magar sabhi mein raha

ye hausla bhi yahan par kisi kisi mein raha

qaba-e-azmat insan mili faqiron ko

faqih-e-shahr to kya kya na sarwari mein raha

khincha hai zakhm adawat se dosti ka lahu

jise aziz rakha jan se dushmani mein raha

charagh rakh diye suraj ke samne la kar

magar wo farq na jana jo raushni mein raha

zaban khulti to hota qadam qadam maqtal

sukut khauf ki surat gali gali mein raha