کون تھا جو دست قاتل کے لئے تیار تھا

کون تھا جو دست قاتل کے لئے تیار تھا

ایک میں ہی بزم اہل خواب میں بیدار تھا

بھر لیے ہیں تیرگی سے گھر کی دیواروں کے گھاؤ

کیا نیا سورج ہمارے واسطے آزاد تھا

خشک نہروں سے صدائے تشنگی آتی رہی

اور سمندر موج بے آواز سے سرشار تھا

آ رہے تھے موسموں کے نام پھولوں کے پیام

تم نہ تھے تو موسم گل بھی نگہ میں خار تھا

دے دیا گھر کے چراغوں کو ہوا کی گود میں

لوگ کہتے تھے کہ اک سایہ پس دیوار تھا

اب بھی یوں لگتا ہے جیسے ہر خبر ہو آج کی

اس لئے برسوں پرانا میز پر اخبار تھا

kaun tha jo dast-e-qatil ke liye tayyar tha

ek main hi bazm-e-ahl-e-khwab mein bedar tha

bhar liye hain tirgi se ghar ki diwaron ke ghao

kya naya suraj hamare waste azad tha

khushk nahron se sada-e-tishnagi ati rahi

aur samundar mauj-e-be awaz se sarshar tha

a rahe the mausamon ke nam phulon ke payam

tum na the to mausam-e-gul bhi nigah mein khar tha

de diya ghar ke charaghon ko hawa ki god mein

log kahte the ke ik saya pas-e-diwar tha

ab bhi yun lagta hai jaise har khabar ho aj ki

is liye barson purana mez par akhbar tha