گھر تو لٹتا ہے مگر ہم کو مٹانے والے

گھر تو لٹتا ہے مگر ہم کو مٹانے والے

کون سے دیس سے لائیں گے زمانے والے

دھوپ بخشی ہے تو پھر سایۂ دیوار بھی دے

لوگ سورج کو ہیں معبود بنانے والے

دل کو آمادۂ تجدید وفا کیسے کروں

رس رہے ہیں ابھی ناسور پرانے والے

یوں تو ملتے ہیں ہر اک جسم پہ بے داغ لباس

اٹھ گئے دل پہ مگر داغ اٹھانے والے

گھر میں گھر کی کوئی صورت تو نکالیں عابدؔ

آنے والے ہیں کبھی کے نہیں آنے والے

ghar to lutta hai magar ham ko mitane wale

kaun se des se laenge zamane wale

dhup bakhshi hai to phir saya-e-diwar bhi de

log suraj ko hain maabud banane wale

dil ko amada-e-tajdid-e-wafa kaise karun

ras rahe hain abhi nasur purane wale

yun to milte hain har ik jism pe be dagh libas

uth gae dil pe magar dagh uthane wale

ghar mein ghar ki koi surat to nikalen abid

ane wale hain kabhi ke nahin ane wale