کر چکا پھول میں جب سارے جہاں کے پتھر

کر چکا پھول میں جب سارے جہاں کے پتھر

آ پڑے سر پہ مرے جانے کہاں کے پتھر

ظرف دل میں نمی اشک حقیقت نہ رہی

اتنے بخشے ہمیں لوگوں نے گماں کے پتھر

پئے حق در پئے پیکار کوئی ملتا نہیں

بندھ گئے پاؤں سے کیا وحشت جاں کے پتھر

خاک میں مل گئے سب پھول سے لوگوں کے وجود

لگ گئے قبر پہ بس نام و نشاں کے پتھر

کو بہ کو ہو گئیں تعمیر عبادت گاہیں

جمع کرتے ہی رہے ہم تو مکاں کے پتھر

زندگی کے لیے گوہر وہی ٹھہرے عابدؔ

لوگ کہتے ہیں جنہیں فکر جواں کے پتھر

kar chuka phul mein jab sare jahan ke patthar

a pare sar pe mire jane kahan ke patthar

zarf-e-dil mein nami ashk haqiqat na rahi

itne bakhshe hamen logon ne guman ke patthar

piye haq dar piye paikar koi milta nahin

bandh gae paon se kya wahshat jan ke patthar

khak mein mil gae sab phul se logon ke wajud

lag gae qabr pe bas nam-o-nishan ke patthar

ku ba ku ho gain taamir ibadat gahen

jama karte hi rahe ham to makan ke patthar

zindagi ke liye gauhar wahi thahre abid

log kahte hain jinhen fikr jawan ke patthar