دل سے محرومیٔ احساس مٹانے کے لیے

دل سے محرومیٔ احساس مٹانے کے لیے

گل کھلے ہیں مرے زخموں کو دکھانے کے لیے

پھر سے آواز کے دریا میں مرے نام کی ناؤ

بادبانوں کو اٹھاتی ہے گرانے کے لیے

رات ڈھلتی ہے چلو ڈھونڈ کے جگنو لائیں

وعدۂ انجم و مہتاب نبھانے کے لیے

کچھ پرندے مرے آنگن میں اتر آئے ہیں

بال و پر تیز ہواؤں سے بچانے کے لیے

سر سے سورج تری چاہت کا ڈھلا ہے شاید

مجھ پہ ہر سایۂ دیوار گرانے کے لیے

اپنے جذبوں کو کوئی شکل نہ دینا عابدؔ

ورنہ صورت کو بھی ترسو گے دکھانے کے لیے

dil se mahrumi-e-ehsas mitane ke liye

gul khule hain mire zakhmon ko dikhane ke liye

phir se awaz ke dariya mein mire nam ki nao

badbanon ko uthati hai girane ke liye

rat dhalti hai chalo dhund ke jugnu laen

waada-e-anjum-o-mahtab nibhane ke liye

kuchh parinde mire angan mein utar ae hain

bal-o-par tez hawaon se bachane ke liye

sar se suraj tiri chahat ka dhala hai shayad

mujh pe har saya-e-diwar girane ke liye

apne jazbon ko koi shakl na dena abid

warna surat ko bhi tarsoge dikhane ke liye