یہ داغ ہجر نہیں مٹ سکا جبیں کا لگا

یہ داغ ہجر نہیں مٹ سکا جبیں کا لگا

زمیں کہیں کی ہے پیوند ہے کہیں کا لگا

ملا ہے دشت ہمیں جستجو میں منزل کی

گماں تھا پاؤں میں اور آبلہ یقیں کا لگا

ہمارا نام و نسب ہم سے پوچھنے والے

لہو نہ اس طرح دامن پہ آستیں کا لگا

اٹھا کے دوش پہ خیمے نکل پڑے ہم لوگ

ذرا نہ خوف ہمیں اجنبی زمیں کا لگا

ye dagh hijr nahin mit saka jabin ka laga

zamin kahin ki hai paiwand hai kahin ka laga

mila hai dasht hamen justuju mein manzil ki

guman tha paon mein aur abla yaqin ka laga

hamara nam-o-nasab ham se puchhne wale

lahu na is tarah daman pe astin ka laga

utha ke dosh pe kheme nikal pare ham log

zara na khauf hamen ajnabi zamin ka laga