چاروں طرف کچھ دیواریں سی رہتی ہیں آہوں میں لگی

چاروں طرف کچھ دیواریں سی رہتی ہیں آہوں میں لگی

میری مٹی تیرے گھر کی گہری بنیادوں میں لگی

چپ کی چادر اوڑھ تو لی ہے پاؤں چھپیں سر کھل چائے

محرومی کی دھوپ نہ جانے کب سے آوازوں میں لگی

ان سے ظلمت دشت مقدر اور سیاہ نہ ہو جائے

چھوڑ نہ دیتا چاند کرنیں تم اپنے خوابوں میں لگی

مجھ سے میرے اپنے لوگ بھی رہتے ہیں بیگانے سے

میرے نام کی کون سی تہمت ان کے اندازوں میں لگی

اس موسم میں ڈالی ڈالی برف کے اتنے پھول کھلے

رنگ و تپش سے محرومی کی شاخ مرے جذبوں میں لگی

charon taraf kuchh diwaren si rahti hain ahon mein lagi

meri mitti tere ghar ki gahri buniyadon mein lagi

chup ki chadar orh to li hai paon chhupen sar khul chae

mahrumi ki dhup na jane kab se awazon mein lagi

un se zulmat dasht muqaddar aur siyah na ho jae

chhor na deta chand kirnen tum apne khwabon mein lagi

mujh se mere apne log bhi rahte hain begane se

mere nam ki kaun si tohmat un ke andazon mein lagi

is mausam mein dali dali barf ke itne phul khule

rang-o-tapish se mahrumi ki shakh mire jazbon mein lagi