فکر رکھتے ہیں کہاں ذہن اگر رکھتے ہیں

فکر رکھتے ہیں کہاں ذہن اگر رکھتے ہیں

دشت بے آب میں جو تخم ہنر رکھتے ہیں

ہر نئی بات بھلا دیتی ہے پہلے کا خیال

وہ تو اخبار ہیں بس تازہ خبر رکھتے ہیں

مٹ گیا رنگ تعلق تو یہ چہرے کے نقوش

ایک اک خط تأثر میں خبر رکھتے ہیں

ایسے لوگوں کا ملا ہم کو زمانہ جو لوگ

کور بینا ہیں مگر ہم پہ نظر رکھتے ہیں

کوئی آہٹ ہے نہ دستک کہ بچھڑ جائے سکوت

جن کو دیوار میسر ہو وہ در رکھتے ہیں

جب بھی آتی ہے کسی سمت سے مقتل کی ہوا

دھیان آتا ہے ابھی دوش پہ سر رکھتے ہیں

fikr rakhte hain kahan zehn agar rakhte hain

dasht-e-be ab mein jo tukhm-e-hunar rakhte hain

har nai bat bhula deti hai pahle ka khayal

wo to akhbar hain bas taza khabar rakhte hain

mit gaya rang-e-taalluq to ye chehre ke nuqush

ek ik khat tasar mein khabar rakhte hain

aise logon ka mila ham ko zamana jo log

kor bina hain magar ham pe nazar rakhte hain

koi ahat hai na dastak ke bichhar jae sukut

jin ko diwar muyassar ho wo dar rakhte hain

jab bhi ati hai kisi samt se maqtal ki hawa

dhyan ata hai abhi dosh pe sar rakhte hain