یہی تو ایک شکایت سفر میں رہتی ہے

یہی تو ایک شکایت سفر میں رہتی ہے

ہوائے گرد مسلسل نظر میں رہتی ہے

جزائے کاوش تعمیر یہ ملی ہے ہمیں

صدائے تیشہ سدا ساتھ گھر میں رہتی ہے

ہنر کسی میں ہو قسمت ہے اس کی در بدری

کہ آب و تاب گہر کب گہر میں رہتی ہے

سماعتوں کا پیمبر ہی بن سکے تو سنے

وہ داستاں جو لب چشم تر میں رہتی ہے

ہر ایک صبح پہ مقتل کا ہو رہا ہے گماں

نہ جانے کون سی سرخی خبر میں رہتی ہے

yahi to ek shikayat safar mein rahti hai

hawa-e-gard-e-musalsal nazar mein rahti hai

jaza-e-kawish-e-taamir ye mili hai hamen

sada-e-tesha sada sath ghar mein rahti hai

hunar kisi mein ho qismat hai us ki dar badri

ke ab-o-tab guhar kab guhar mein rahti hai

samaaton ka payambar hi ban sake to sune

wo dastan jo lab chashm-e-tar mein rahti hai

har ek subh pe maqtal ka ho raha hai guman

na jane kaun si surkhi khabar mein rahti hai