وہ غم ملا کہ اس کو سمندر بنا دیا

وہ غم ملا کہ اس کو سمندر بنا دیا

پتھر سی آرزؤں کو گوہر بنا دیا

یہ ماجرا تو بسنے بسانے کی بات ہے

اک دل تھا میرے پاس ترا گھر بنا دیا

پھر کارواں کے لٹنے کا شکوہ نہیں کریں

جب رہزنوں کو آپ نے رہبر بنا دیا

ایسے شفیق لوگ بھی ہیں اس زمین پر

بس اک نگہ کی اور مقدر بنا دیا

اس ہم سفر کو کیسے بھلاؤں گی عمر بھر

جس نے سفر کو نازؔ حسیں تر بنا دیا

wo gham mila ke us ko samundar bana diya

patthar si arzuon ko gauhar bana diya

ye majra to basne basane ki bat hai

ik dil tha mere pas tira ghar bana diya

phir karwan ke lutne ka shikwa nahin karen

jab rahzanon ko ap ne rahbar bana diya

aise shafiq log bhi hain is zamin par

bas ik nigah ki aur muqaddar bana diya

is ham safar ko kaise bhulaungi umr bhar

jis ne safar ko naz hasin tar bana diya