رفتار زندگی ذرا تھم جاؤ تو سہی

رفتار زندگی ذرا تھم جاؤ تو سہی

فرصت میں میرے گھر کی طرف آؤ تو سہی

اک بے وفا کے غم میں تڑپنے سے فائدہ

نادان دل ہے اس کو بھی سمجھاؤ تو سہی

خوشیاں بھی تیرے غم کے جھمیلے میں گم ہوئیں

موقع ملے تو درد میں مسکاؤ تو سہی

کس کس طرح میں تیری اتاروں گی آرتی

آنگن میں ننگے پاؤں ذرا آؤ تو سہی

یادوں کا نازؔ سلسلہ ٹوٹے نہ اب کبھی

دل کو کسی کے واسطے تڑپاؤ تو سہی

raftar zindagi zara tham jao to sahi

fursat mein mere ghar ki taraf ao to sahi

ik be wafa ke gham mein tarapne se faida

nadan dil hai us ko bhi samjhao to sahi

khushiyan bhi tere gham ke jhamele mein gum huin

mauqaa mile to dard mein muskao to sahi

kis kis tarah main teri utarungi arti

angan mein nange paon zara ao to sahi

yadon ka naz silsila tute na ab kabhi

dil ko kisi ke waste tarpao to sahi