بھلا یہ کون ہے میرے ہی اندر مجھ سے رنجش میں

بھلا یہ کون ہے میرے ہی اندر مجھ سے رنجش میں

وہ مجھ کو ہی گنوا بیٹھا نہ جانے کس کی خواہش میں

سمندر ایک ٹھہرا سا ابھی تک ہے ترے اندر

ندی بن کر مرا بہنا تجھے ملنے کی کوشش میں

دریچے پر کھڑے ہو کر تجھے بس سوچتے رہنا

بہت سے کام باقی ہے بہت تھوڑی سی بارش میں

مرا وہ روٹھ کر رونا ترا ہنس کے چلے جانا

میں تجھ کو بھول نہ جاؤں تجھے پانے کی سازش میں

کہیں وہ چیر کر تیرا ہی سینہ بھاگ نا نکلے

اسے آزاد کر دو اب جو برسوں سے ہے بندش میں

bhala ye kaun hai mere hi andar mujh se ranjish mein

wo mujh ko hi ganwa baitha na jane kis ki khwahish mein

samundar ek thahra sa abhi tak hai tire andar

nadi ban kar mira bahna tujhe milne ki koshish mein

dariche par khare ho kar tujhe bas sochte rahna

bahut se kam baqi hai bahut thori si barish mein

mira wo ruth kar rona tira hans ke chale jana

main tujh ko bhul na jaun tujhe pane ki sazish mein

kahin wo chir kar tera hi sina bhag na nikle

use azad kar do ab jo barson se hai bandish mein