خوابوں کی تعبیریں بھی ہوں

خوابوں کی تعبیریں بھی ہوں

یادوں کی تصویریں بھی ہوں

اپنے عنوانوں جیسی ہی

کاش کہ کچھ تحریریں بھی ہوں

لاکھ طریقے مر جانے کے

جینے کی تدبیریں بھی ہوں

صرف لکیروں سے کیا ہوگا

ہاتھوں میں تقدیریں بھی ہوں

صرف اٹھیں جو حق کی خاطر

کچھ ایسی شمشیریں بھی ہوں

khwabon ki taabiren bhi hun

yadon ki taswiren bhi hun

apne unwanon jaisi hi

kash ke kuchh tahriren bhi hun

lakh tariqe mar jane ke

jine ki tadbiren bhi hun

sirf lakiron se kya hoga

hathon mein taqdiren bhi hun

sirf uthen jo haq ki khatir

kuchh aisi shamshiren bhi hun