اپنا تمہیں جو کہہ اٹھے دیوانہ وار ہم

اپنا تمہیں جو کہہ اٹھے دیوانہ وار ہم

کچھ بے قرار آپ تھے کچھ بے قرار ہم

قائم ہیں پھول خار سے گلشن کی رونقیں

حسن بہار آپ ہیں درد بہار ہم

دنیائے حسن و عشق کے اسرار کھل گئے

اپنے الم کے جب سے ہوئے رازدار ہم

اڑتی ہے خاک جیسے ہواؤں کے ساتھ ساتھ

پہنچے ہیں منزلوں پہ یوں مثل غبار ہم

پر نور جس کے نور سے شام الم ہوئی

اس روشنیؔ کو ڈھونڈتے ہیں بے قرار ہم

apna tumhen jo kah uthe diwana war ham

kuchh be qarar ap the kuchh be qarar ham

qaim hain phul khar se gulshan ki raunaqen

husn-e-bahar ap hain dard-e-bahar ham

duniya-e-husn-o-ishq ke asrar khul gae

apne alam ke jab se hue razdar ham

urti hai khak jaise hawaon ke sath sath

pahunche hain manzilon pe yun misl-e-ghubar ham

pur nur jis ke nur se sham-e-alam hui

is raushni ko dhundte hain be qarar ham