طوفاں بدل گئے کبھی دھارے بدل گئے

طوفاں بدل گئے کبھی دھارے بدل گئے

موجوں کے ساتھ ساتھ کنارے بدل گئے

غم ہائے زندگی کے سہارے بدل گئے

مستی بھری نظر کے اشارے بدل گئے

طاری فضائے کیف پہ بے کیفیاں سی تھیں

اٹھی جو وہ نظر تو نظارے بدل گئے

اس واردات خاص کا کس سے کروں گلہ

بدلے ہیں جب سے آپ ستارے بدل گئے

ٹھنڈی ہوئی نہ اشک رواں سے بھی غم کی آگ

آنسو بدل گئے کہ شرارے بدل گئے

سنتے ہی روشنیؔ کی غزل لوگ کہہ اٹھے

غم ہائے زندگی کے نظارے بدل گئے

tufan badal gae kabhi dhare badal gae

maujon ke sath sath kinare badal gae

gham ha-e-zindagi ke sahare badal gae

masti bhari nazar ke ishare badal gae

tari faza-e-kaif pe be kaifiyan si thin

uthi jo wo nazar to nazare badal gae

is wardat-e-khas ka kis se karun gila

badle hain jab se ap sitare badal gae

thandi hui na ashk-e-rawan se bhi gham ki ag

ansu badal gae ke sharare badal gae

sunte hi raushni ki ghazal log kah uthe

gham ha-e-zindagi ke nazare badal gae