آنکھ ان کی نہیں دریچہ ہے

آنکھ ان کی نہیں دریچہ ہے

اس دریچے میں خود کو دیکھا ہے

دل پہ نشتر چلا کے پوچھتے ہیں

حال دل اب جناب کیسا ہے

بھوکا سب کو اٹھاتا وہ لیکن

بھوکا ہرگز نہیں سلاتا ہے

دوست ہی تذکرہ نہیں کرتے

دشمنوں میں بھی میرا چرچا ہے

وہ غریبوں کو دان کیا کرتا

دھرم ایمان جس کا پیسہ ہے

میری فطرت سے وہ جدا نکلا

یوں تو کہنے کو میرا بیٹا ہے

مہنگا اب تو یہاں ہے پانی تک

خون انساں بڑا ہی سستا ہے

تو نے جس کو سمجھ لیا اپنا

تیری نظروں کا صرف دھوکا ہے

بستر مرگ پر ہے باپ مگر

بیٹا سسرال جا کے بیٹھا ہے

وہ بڑا دل‌ جلا ہی ہوگا ایازؔ

جوتا بش پر جو اس نے پھینکا ہے

ankh un ki nahin daricha hai

is dariche mein khud ko dekha hai

dil pe nashtar chala ke puchhte hain

hal-e-dil ab janab kaisa hai

bhuka sab ko uthata wo lekin

bhuka hargiz nahin sulata hai

dost hi tazkira nahin karte

dushmanon mein bhi mera charcha hai

wo gharibon ko dan kya karta

dharm iman jis ka paisa hai

meri fitrat se wo juda nikla

yun to kahne ko mera beta hai

mahnga ab to yahan hai pani tak

khun-e-insan bara hi sasta hai

tu ne jis ko samajh liya apna

teri nazron ka sirf dhoka hai

bistar-e-marg par hai bap magar

beta susral ja ke baitha hai

wo bara dil jala hi hoga ayaz

jota bash par jo us ne phenka hai