عجب بگڑے مقدر بن گئے ہیں

عجب بگڑے مقدر بن گئے ہیں

جو دریا تھے سمندر بن گئے ہیں

زمیں سے اڑ کے ذرے آسماں پر

مہ و پروین و اختر بن گئے ہیں

سر لوح تصور کیسے کیسے

ادھورے نقش پیکر بن گئے ہیں

ہمیں بخشی ہے نرمی موسموں نے

مگر کچھ لوگ پتھر بن گئے ہیں

ملا ہے یوں ہمیں غم کا خزانہ

ہمارے اشک گوہر بن گئے ہیں

شب غم بھولے بسرے چند چہرے

چراغ قلب مضطر بن گئے ہیں

انہیں کیا خوف ہو شاہدؔ خدا کا

خدا جو اس زمیں پر بن گئے ہیں

ajab bigre muqaddar ban gae hain

jo dariya the samundar ban gae hain

zamin se ur ke zarre asman par

mah-o-parwin-o-akhtar ban gae hain

sar-e-lauh-e-tasawwur kaise kaise

adhure naqsh paikar ban gae hain

hamen bakhshi hai narmi mausamon ne

magar kuchh log patthar ban gae hain

mila hai yun hamen gham ka khazana

hamare ashk gauhar ban gae hain

shab-e-gham bhule basre chand chehre

charagh-e-qalb-e-muztar ban gae hain

unhen kya khauf ho shahid khuda ka

khuda jo is zamin par ban gae hain