کوئی نشانیٔ عہد وصال دے جائے

کوئی نشانیٔ عہد وصال دے جائے

وہ میری عمر مرے ماہ و سال دے جائے

اسے کہو کہ کسی روز آ کے پھر مجھ کو

حسین خواب اچھوتے خیال دے جائے

پلٹ کے آئے کبھی اس کی یاد کا موسم

گل مراد کو رنگ جمال دے جائے

خدا کرے کہ اچانک وہ سامنے آ کر

مرے لبوں کو نئے کچھ سوال دے جائے

تمام عمر کی خوشیاں سمیٹ کر میری

تمام عمر کے اپنے ملال دے جائے

کوئی تو ہو جو مرے چارہ گر سے جا کے کہے

دوا کبھی تو مرے حسب حال دے جائے

اگر نہیں ہے مداوا زوال کا شاہدؔ

وہ حوصلہ تو بوقت زوال دے جائے

koi nishani-e-ahd-e-wisal de jae

wo meri umr mire mah-o-sal de jae

use kaho ke kisi roz a ke phir mujh ko

hasin khwab achhute khayal de jae

palat ke ae kabhi us ki yad ka mausam

gul-e-murad ko rang-e-jamal de jae

khuda kare ke achanak wo samne a kar

mire labon ko nae kuchh sawal de jae

tamam umr ki khushiyan samet kar meri

tamam umr ke apne malal de jae

koi to ho jo mire chara gar se ja ke kahe

dawa kabhi to mire hasb-e-hal de jae

agar nahin hai mudawa zawal ka shahid

wo hausla to boqat zawal de jae