وہ ہم سے ہو گیا ہے بے خبر کچھ

وہ ہم سے ہو گیا ہے بے خبر کچھ

بدلتے موسموں کا ہے اثر کچھ

کہیں سائے میں رک کر کیا کریں گے

چلو اب تیز باقی ہے سفر کچھ

ہوائے تند کا یہ کام دیکھو

نہ چھوڑا شاخ پر باقی ثمر کچھ

بھٹکتے پھر رہے ہیں راستوں میں

بصارت سے تہی اہل نظر کچھ

اگرچہ شہر تو اپنا ہے لیکن

پرائے سے ہیں کیوں دیوار و در کچھ

ابھی دل میں اڑانوں کی ہے خواہش

سلامت ہیں ہمارے بال و پر کچھ

ابھی شاہدؔ لٹاؤ غم کی دولت

ابھی ہیں آنکھ میں لعل و گہر کچھ

wo ham se ho gaya hai be khabar kuchh

badalte mausamon ka hai asar kuchh

kahin sae mein ruk kar kya karenge

chalo ab tez baqi hai safar kuchh

hawa-e-tund ka ye kam dekho

na chhora shakh par baqi samar kuchh

bhatakte phir rahe hain raston mein

basarat se tahi ahl-e-nazar kuchh

agarche shahr to apna hai lekin

parae se hain kyun diwar-o-dar kuchh

abhi dil mein uranon ki hai khwahish

salamat hain hamare bal-o-par kuchh

abhi shahid lutao gham ki daulat

abhi hain ankh mein laal-o-guhar kuchh