فکر سود و زیاں میں رہتا ہوں

فکر سود و زیاں میں رہتا ہوں

میں بھی اس خاکداں میں رہتا ہوں

نیلگوں آسمان کے نیچے

خیمۂ جسم و جاں میں رہتا ہوں

میں ہوں آزاد کب زمانے میں

قید وہم و گماں میں رہتا ہوں

میں محبت کی روشنی بن کر

وقت کی کہکشاں میں رہتا ہوں

میں بہاروں کے رنگ میں ڈھل کر

منظر بوستاں میں رہتا ہوں

جانے کیا بات ہے کہ میں تنہا

محفل دوستاں میں رہتا ہوں

اپنے بوڑھے وجود کے اندر

اک شکستہ مکاں میں رہتا ہوں

فکر اتلاف زندگی کیسا

میں اجل کی اماں میں رہتا ہوں

میں بگولوں کے درمیاں شاہدؔ

دشت عصر رواں میں رہتا ہوں

fikr-e-sud-o-ziyan mein rahta hun

main bhi is khakdan mein rahta hun

nilgun asman ke niche

khema-e-jism-o-jan mein rahta hun

main hun azad kab zamane mein

qaid-e-wahm-o-guman mein rahta hun

main mohabbat ki raushni ban kar

waqt ki kahkashan mein rahta hun

main baharon ke rang mein dhal kar

manzar-e-bostan mein rahta hun

jane kya bat hai ke main tanha

mahfil-e-dostan mein rahta hun

apne burhe wajud ke andar

ik shikasta makan mein rahta hun

fikr-e-itlaf-e-zindagi kaisa

main ajal ki aman mein rahta hun

main bagulon ke darmiyan shahid

dasht-e-asr-e-rawan mein rahta hun