تسلیم مجھ کو میں ترے پاسنگ تو نہیں

تسلیم مجھ کو میں ترے پاسنگ تو نہیں

لیکن تجھے نصیب مرا رنگ تو نہیں

میں کس لیے فصیل بدن میں چھپا رہوں

میری کسی کے ساتھ کوئی جنگ تو نہیں

گھبرا رہے ہو کیوں مری بستی کا فاصلہ

ہے چند گام سینکڑوں فرسنگ تو نہیں

بھرتے ہو کس لیے مری تصویر میں یہ رنگ

موج شفق کا رنگ مرا رنگ تو نہیں

بے احتیاطیوں سے تری ٹوٹ جائے گا

دل ایک آئنہ ہے کوئی سنگ تو نہیں

پھر کیوں کروں خیال کسی اور دیس کا

میرے لیے زمین وطن تنگ تو نہیں

دن رات اپنے آپ سے رہنا خفا خفا

شاہدؔ گزر بسر کا کوئی ڈھنگ تو نہیں

taslim mujh ko main tire pasang to nahin

lekin tujhe nasib mira rang to nahin

main kis liye fasil-e-badan mein chhupa rahun

meri kisi ke sath koi jang to nahin

ghabra rahe ho kyun miri basti ka fasla

hai chand gam sainkron farsang to nahin

bharte ho kis liye miri taswir mein ye rang

mauj-e-shafaq ka rang mira rang to nahin

be ehtiyatiyon se tiri tut jaega

dil ek aina hai koi sang to nahin

phir kyun karun khayal kisi aur des ka

mere liye zamin-e-watan tang to nahin

din rat apne ap se rahna khafa khafa

shahid guzar basar ka koi dhang to nahin