رہو گے ہم سے کب تک بے خبر سے

رہو گے ہم سے کب تک بے خبر سے

جدا ہوتی نہیں دیوار در سے

مسافر حال کیا اپنا سنائے

ابھی لوٹا نہیں اپنے سفر سے

ہمیشہ تو نہیں رہتا ہے قائم

تعلق راہرو کا رہ گزر سے

مکانوں سے مکیں رخصت ہوئے ہیں

اداسی جھانکتی ہے بام و در سے

ابھی تک ہوں سفر میں ارتقا کے

مجھے لگتے تھے رستے مختصر سے

اسی مٹی سے ہے پہچان میری

محبت ہے مجھے بھی اپنے گھر سے

نہ جانے ان پہ کیا گزری تھی شاہدؔ

جدا پتے ہوئے تھے جب شجر سے

rahoge ham se kab tak be khabar se

juda hoti nahin diwar dar se

musafir hal kya apna sunae

abhi lauta nahin apne safar se

hamesha to nahin rahta hai qaim

taalluq rahrau ka rah guzar se

makanon se makin rukhsat hue hain

udasi jhankti hai bam-o-dar se

abhi tak hun safar mein irtiqa ke

mujhe lagte the raste mukhtasar se

isi mitti se hai pahchan meri

mohabbat hai mujhe bhi apne ghar se

na jane un pe kya guzri thi shahid

juda patte hue the jab shajar se