یہ رنگ ترے شہر کے صحرا میں کہاں ہیں

یہ رنگ ترے شہر کے صحرا میں کہاں ہیں

گلیاں ہیں نہ کوچے ہیں مکیں ہیں نہ مکاں ہیں

آنکھوں میں چھپا رکھے ہیں اشکوں کے خزینے

ہم غم کی عنایات سے محروم کہاں ہیں

جھلکیں گے کسی روز یہی لفظ و بیاں میں

آئینۂ احساس میں جو عکس نہاں ہیں

رکھتے ہیں جو مختاریٔ انساں کی تمنا

مجبوریٔ انساں پہ ابھی اشک فشاں ہیں

آنکھوں میں کوئی موج شفق رنگ نہیں کیوں

دل میں تو ابھی خون کے دریا سے رواں ہیں

تخلیق مصور کو ذرا غور سے دیکھو

رنگوں کے تناسب میں کئی رنگ نہاں ہیں

کیا کام ہمیں مال و زر و سیم سے شاہدؔ

ہم اہل سخن اہل قلم اہل زباں ہیں

ye rang tire shahr ke sahra mein kahan hain

galiyan hain na kuche hain makin hain na makan hain

ankhon mein chhupa rakhe hain ashkon ke khazine

ham gham ki inayat se mahrum kahan hain

jhalkenge kisi roz yahi lafz-o-bayan mein

aina-e-ehsas mein jo aks-e-nihan hain

rakhte hain jo mukhtari-e-insan ki tamanna

majburi-e-insan pe abhi ashk fishan hain

ankhon mein koi mauj-e-shafaq rang nahin kyun

dil mein to abhi khun ke dariya se rawan hain

takhliq musawwir ko zara ghaur se dekho

rangon ke tanasub mein kai rang-e-nihan hain

kya kam hamen mal-o-zar-o-sim se shahid

ham ahl-e-sukhan ahl-e-qalam ahl-e-zaban hain