ہمیں اہل زمانہ ڈھونڈتے ہیں

ہمیں اہل زمانہ ڈھونڈتے ہیں

کوئی تازہ نشانہ ڈھونڈتے ہیں

ابھی تک ہم کوئی عنوان تازہ

سر شہر فسانہ ڈھونڈتے ہیں

ہماری ہی طرح اٹھ کر سویرے

پرندے آب و دانہ ڈھونڈتے ہیں

زمیں اب ہو گئی مسکن پرانا

نیا کوئی ٹھکانہ ڈھونڈتے ہیں

چراغ خون دل ہم تو جلا کر

مضامیں کا خزانہ ڈھونڈتے ہیں

مسلماں ہو کے بھی ہم گل رخوں میں

ادائیں کافرانہ ڈھونڈتے ہیں

ابھی کچھ لوگ ایسے ہیں جو شاہدؔ

وہی پہلا زمانہ ڈھونڈتے ہیں

hamen ahl-e-zamana dhundte hain

koi taza nishana dhundte hain

abhi tak ham koi unwan-e-taza

sar-e-shahr-e-fasana dhundte hain

hamari hi tarah uth kar sawere

parinde ab-o-dana dhundte hain

zamin ab ho gai maskan purana

naya koi thikana dhundte hain

charagh-e-khun-e-dil ham to jala kar

mazamin ka khazana dhundte hain

musalman ho ke bhi ham gul rukhon mein

adaen kafirana dhundte hain

abhi kuchh log aise hain jo shahid

wahi pahla zamana dhundte hain