نوچ لیے ہر شاخ سے پتے بوٹا بوٹا لوٹ لیا

نوچ لیے ہر شاخ سے پتے بوٹا بوٹا لوٹ لیا

دست خزاں نے چوری چوری باغ تمنا لوٹ لیا

اس کو خود ہی میں نے اپنے شہر کی دولت سونپی تھی

کس سے ذکر کروں اب جا کر اس نے کیا کیا لوٹ لیا

اور تو کچھ بھی پاس نہیں تھا اک یادوں کی دولت تھی

ظالم وقت نے چپکے چپکے یہ بھی اثاثہ لوٹ لیا

سوکھ گئی ہیں دھوپ میں شاخیں امیدوں ارمانوں کی

موسم غم نے دل کے شجر کا پتا پتا لوٹ لیا

اپنے دل کے ارمانوں کا میلہ ایک لگایا تھا

اس نے اپنی چھب دکھلا کر سارا میلہ لوٹ لیا

ہر سو بام و در پر چھائے درد و یاس کے سائے ہیں

کس ظالم نے اس نگری کا قریہ قریہ لوٹ لیا

تجھ کو بھی تھا شاہدؔ ناداں اپنے دل پر ناز بہت

اس نے چور بن کے آخر رفتہ رفتہ لوٹ لیا

noch liye har shakh se patte buta buta laut liya

dast-e-khizan ne chori chori bagh-e-tamanna laut liya

us ko khud hi main ne apne shahr ki daulat saunpi thi

kis se zikr karun ab ja kar us ne kya kya laut liya

aur to kuchh bhi pas nahin tha ik yadon ki daulat thi

zalim waqt ne chupke chupke ye bhi asasa laut liya

sukh gai hain dhup mein shakhen ummidon armanon ki

mausam gham ne dil ke shajar ka patta patta laut liya

apne dil ke armanon ka mela ek lagaya tha

us ne apni chhab dikhla kar sara mela laut liya

har su bam-o-dar par chhae dard-o-yas ke sae hain

kis zalim ne is nagri ka qarya qarya laut liya

tujh ko bhi tha shahid nadan apne dil par naz bahut

us ne chur ban ke akhir rafta rafta laut liya